قال الرئيس عبد الفتاح السيسي، إن التموين يمس 70 مليون مصري، لافتاً إلي أن الأرز اللي تقوم الدولة بشرائها من الفلاحين يذهب للتموين
الأرز التي تشتريه الدولة من الفلاح يذهب للتموين
كما قال الرئيس السيسي في كلمته خلال لقاءه بعدد من الأهالي والقيادات الشعبية بمحافظة البحيرة، على هامش افتتاح عدد من مشروعات حياة كريمة، في قرية الأبعادية،: «الإنتاج في مصر ممكن يبقى 8 أو 9 أو 10 ملايين طن، وحد يقولي أصل إحنا في ريف، عندنا القمح في البيت بنعمل بيه مناسبات.. اللى خدناه لحد الآن 3.5 مليون طن يبقى لسه في البيوت فيه 6.5 مليون طن، طب المخابز بتاعة الناس بتبيع للناس كلها، الرغيف بيتكلف 80 قرش وببيعه بـ5 قروش».
شراء القمح من الخارج له تأثير كبير بسبب الدولار
وتابع الرئيس السيسي:«لو أنا النهاردة مالقتش الـ10 ملايين طن اللى فى مصر، هضطر أشتري من بره والموضوع ده هيبقى له تأثير كبير على الأسعار في مصر بسبب الدولار».
كما أوضح الرئيس السيسي قائلًا :«الريف المصرى كان يغطى احتياجاته الغذائية قبل 40 سنة والآن تغير الحال ، هل حد كان بيجيب زيت.. ده كان عيب جدا في الريف، هل حد كان بيشتري زيت ولا بيض ولا فراخ؟ البيوت كانت وحدات إنتاجية صغيرة ، ولكن دلوقتي الدولة ملتزمة بتوفير ده احتياجات 105 + 9 ملايين ضيف يعني 114 مليون مواطن في مصر مسيطرون على الأمور بفضل الله وهنعدى من كل الأزمات»
